Paglulunsad ng "Santelmo 13: Natatanging Isyu sa Pagsasalin sa Filipino"

Inaanyayahan ang lahat sa paglulunsad ng “Santelmo 13: Natatanging Isyu sa Pagsasalin sa Filipino” para sa pagdiriwang ng ika-50 taon ng Kagawaran ng Filipino.

Ang makasaysayang publikasyong ito, na pinamatnugutan ni Associate Professor Edgar Calabia Samar, ang kauna-unahang isyu ng Santelmo na binubuo ng mga akdang nasa Filipino. Itinatampok nito ang mayamang koleksiyon ng mga salin ng tula, maikling kuwento, dula, komiks, sipi mula sa nobela, at panitikang pambata mula sa iba't ibang wika sa Pilipinas at sa daigdig. Kasama rin dito ang mga sanaysay at pag-aaral tungkol sa sining at praktika ng pagsasalin mula sa mga batikang manunulat at kritiko.

Ang paglulunsad ay inorganisa katuwang ang Paaralan ng Humanidades, Ateneo Institute of Literary Arts and Practices (AILAP), at San Anselmo Publications. Naging posible ang natatanging pagtitipong ito sa pamamagitan ng kagandahang-loob ng pamilyang Kwan Laurel.

Mga Detalye ng Kaganapan:

• Petsa: Martes, 25 Nobyembre 2025
• Oras: 5:00 NH
• Lugar: Silid CTC-413, Pamantasang Ateneo de Manila, Loyola Heights, Lungsod Quezon

Bukas sa publiko ang nasabing pagtitipon. Hinihiling na magpatala nang maaga ang mga bisitang mula sa labas ng unibersidad upang mapadali ang pagpasok sa kampus. Mangyaring magdala ng valid ID sa mismong araw para magkaroon ng akses sa campus.

Mag-click dito upang Magpatala: https://go.ateneo.edu/Santelmo-13