Pagsasalin Bilang Pagsasalinlahi: Isang Panayam ni Professor Emerita Soledad S. Reyes

Malugod na inaanyayahan ang lahat sa

PAGSASALIN BILANG PAGSASALINLAHI
Isang Panayam ni Professor Emerita Soledad S. Reyes 

Sa pangunguna ng Paaralan ng Humanidades, katuwang ang mga Kagawaran ng Filipino at Kagawaran ng mga Araling Interdisiplinaryo, isasagawa sa ika-4 ng Marso 2026 sa Leong Hall Auditorium, Ricardo and Dr Rosita Leong Hall, Pamantasang Ateneo de Manila, 11:00 AM - 12:30 PM ang panayam ni Soledad Reyes, ang ginawaran ng Tanglaw ng Lahi noong Traditional University Awards ng 2025. 

Bilang pagpapatuloy sa tradisyon ng pagbubukas ng espasyo upang mapakinggan ng komunidad ng Ateneo ang mapaghubog na karanasan at pananaw ng mga kapita-pitagang indibidwal, layunin ng panayam na kilalanin ang mahalagang ambag ni Reyes sa pagsasalin, kasabay at katuwang ng kaniyang sari-sari at magkakasanib na pakikisangkot sa mga gawaing kultural bilang guro, iskolar, at kritiko. Babagtasin ni Reyes sa panayam ang karanasan niya sa pagsasalin na nakapagsusulong sa larang bilang praktika na naghahawan ng landas upang maipasa ang mga pamanang kultural ng karunungan at kamalayang Filipino.