Nine Words for Christmas: T

Siyam na Salita sa Christmas: T

Napagtanto na ng sinumang lumahok sa isang pangpakatang gawain, laro o paligsahan na hindi maaaring malayo ang ating kalooban sa mga kagrupo natin. Kinakailangang kilala natin ang ating mga kasama, na may pakikiisa sa kanila at may pagtataya sa kanilang kabutihan. Kung kaya, mahalaga na sinusuri nating mabuti kung sino ang pipiliing kapangkat.

Nang isinilang si Hesus sa mundo ng gabing iyon, tila sinabi ng Diyos na kapangkat natin siya. Tunay ngang marami siyang isinagawa upang maging mabuting kakampi natin. Dumating siya rito upang makilala tayo at ang ating paglalakbay. Pinili niyang maglakbay kasama natin upang makibahagi at makiisa sa ating kaligtasan. At hinahangad niya ang ating kaligtasan sapagkat nagmamalasakit siya sa ating kapakanan.

Wala na tayong mahihiling na mas mainam at mas mabuti pang kapangkat kaysa sa Diyos. Ang mapagkalinga niyang presensya ay nagkakaloob sa atin ng tahanan, manalo o matalo man tayo sa mga hamong kinakaharap natin. Tinitiyak ng kanyang dakilang puso na taglay natin ang lahat ng pangangailangan natin upang mapagtagumpayan ang ating mga kahinaan, pangamba at karimlan. Ang pag-ibig niya ay nagkakaloob ng sanhi at dahilan upang mapalakas tayo hanggang sa huli. Nasa panig natin ang Tagapagligtas. Pinili niya tayo bilang mga kaagapay at kakampi. Hinihikayat niya tayo. Kung kaya habang palapit ang Pasko, maaari nating tanungin ang sarili: mula sa panig natin, paano tayo nakikibahagi bilang ka-pangkat ng Panginoon?