Lenten Reflection: May I Just Say

May mga pagkakataong nararamdaman nating may gusto tayong sabihin subalit parang nahihirapan o nag-aalinlangan tayo. O kaya may mga oras na nais nating dahan-dahanin ang ating bibigkasin. Marahil nakaranas na rin tayo na di natin matiyak kung paano tatanggapin ng ating kausap ang ating mensahe kung kaya may maikling pasubali tayo para rito. Dahil dito, sinisimulan natin ang ating pagsasalita sa ‘Maaari ko lang bang sabihin…’ Maaari ko lang bang sabihing hindi ako sang-ayon sa iyo. Maaari ko lang bang sabihing nalulungkot ako. Maaari ko lang bang sabihing mahal kita.

Itong buong salaysay ng Kuwaresma ay maaaringtungkol sa mga maaari-ko-lang-bang-sabihin ng Diyos sa atin. Sapagkatkinikilala Niya ang ating kalayaan, sapagkat masikap ngunit magalang Siyangmanliligaw, sapagkat banayad Siyang mangingibig, dahan-dahan Niya tayongnilalapitan at naghahangad Siyang kausapin tayo nang malumanay sa pamamagitanni Kristo. ‘Maaari ko lang bang sabihing hindi ako sang-ayon sa iyo na hindi kalaan para sa mas mainam, mas malalim at mas dakilang mga bagay?’ ‘Maaari kolang bang sabihing nalulungkot ako sa lahat ng sakit na pinagdaanan mo atnarito lang ako para pasanin ang mga ito kapiling mo, para sa iyo? Maaari kolang bang sabihing mahal kita...higit pa sa buhay ko na iaalay ko ito para saiyong walang-hanggang galak at kaligtasan?’

Maraming maaaring sabihin, maraming mensaheng maaaring marinig. Samantalang tinatanggap natin ang iba-ibang pangyayari sa ating buhay, paminsan-minsan, nawa bigyang-pansin natin ang mga bulong ng Panginoon. At nawa tulutan natin ang sarili ng mga pagkakataong maging bukas sa Kanya. Ngayong araw, piliin nating maging tapat sa sarili, at tingnan ang ating mga maaari-ko-lamang-bang sabihin sa pakikipag-usap sa Kanya. Ano ang tunay na nilalaman ng aking puso na nais kong aminin at sabihin? Paano ako inaanyayahan ng Diyos sa paghilom at pagkaligtas? Saan ako tinatawag ng tinig ng Panginoon?